Бибісара Асаубаева жігіттің бойында қандай қасиет болу керектігін айтты
02.07.2025, 23:27
Ол – әлемнің екі дүркін чемпионы
instagram.com/bibisarachess/
Танымал шахматшы Бибісара Асаубаеваның әлеуметтік желідегі парақшасында жанкүйерлер арасында шағын сауалнама өтті.
Жазылушылардың бірі бойжеткеннен: «Саған жігіттер мен қыздардың қандай қасиеттері ұнайды?» деп сұрақ қойды.
Асаубаева оған былай деп жауап берді:
1. Тәрбиелі
2. Мейірімді
3. Жомарт
4. Орынды әзілдейтін
5. Дамуға ұмтылатын
Ең бастысы — шынайылық. Екіжүзділікті мүлде ұнатпаймын», - деп жазды шахматшы өзінің Instagram-парақшасында.
Айта кетейік, 21 жастағы Тараз тумасы – блиц шахматтан екі дүркін әлем чемпионы. Ол 2021 және 2022 жылдары әлем біріншілігінде топ жарған. Сондай-ақ 2021 жылы Бибісара блиц шахмат тарихындағы ең жас әлем чемпионы атанған.