Нұрқожа Қайпанов екі дүркін әлем чемпионы болуға жақындады

Хорватия астанасы Загреб қаласында күрес түрлерінен әлем чемпионаты басталды. Жарыс 21 қыркүйекке дейін жалғасады.

Қазақстанның еркін күрес құрамасы дүбірлі додаға толық құрамда қатысып жатыр. Команда сапында екі бірдей әлем чемпионы бар. Солардың бірі – 70 келі салмақтағы Нұрқожа Қайпанов.

Нұрқожа Қайпановтың жеңісті жолы

• Алғашқы айналымда Қайпановтың қарсыласы болмады, сондықтан ол бірден келесі кезеңге өтті.

• 1/8 финалда қазақстандық балуан АҚШ спортшысы Питер Джон Дюкты сенімді түрде жеңді.

• Ширек финалда мексикалық Остин Гомезбен күресіп, бастапқыда ұпай санынан ұтылып жатса да, соңғы сәттерде жағдайды өзгертіп, 10:8 есебімен жеңіске жетті.

Осылайша, әлем чемпионы атағы бар Нұрқожа Қайпанов жартылай финалға жолдама алып, медаль үшін күресін жалғастырады.