Арина Соболенко Беларусь туына қатысты маңызды мәлімдеме жасады
Спортшы Беларусь туы астында қайта ойнағысы келетінін айтты
Әлемдік рейтингтің көшбасшысы Арина Соболенко халықаралық жарыстарда Беларусь туы астында қайта өнер көрсететін күн туады деп үміттенетінін айтты.
Римдегі турнир кезінде ол өз еліңнің атынан ресми түрде кортқа шығудың спортшы үшін айрықша маңызға ие екенін ерекше атап өтті.
«Бізге туымызды қайтарады деп үміттенемін. Көптеген бала маған хат жазады, мен олардың қай елден шыққанына қарамастан үлкен жетістікке жетуге болатынына сенгенін қалаймын. Беларусь секілді шағын мемлекеттің атынан әлемдік деңгейге көтерілу — мен үшін ерекше сезім. Осындай жолдан өткеніме мақтанамын және елімнің атынан өнер көрсету мен үшін үлкен мәртебе болар еді», – деді Арина Соболенко.
Еске салайық, 2022 жылдың ақпанынан кейін Ресейдің Украинаға басып кіруіне байланысты ресейлік және беларусьтік спортшылар халықаралық жарыстарда ұлттық ту мен әнұрансыз, бейтарап спортшы мәртебесінде қатысып келеді.