Сенсация жалғасқан жоқ: Юлия Путинцева Ига Швентектен жеңілді
13.03.2024, 11:14
Екеуі осымен үш рет кездесіп, бәрінде поляк қызы жеңіске жетіп отыр
Қазақстан теннис федерациясы
АҚШ-та өтіп жатқан WTA 1000 Индиан-Уэллс турнирінің 1/8 финалында қазақстандық Юлия Путинцева әлемнің бірінші ракеткасы Ига Швентектен (Польша) жеңіліп қалды.
Матч аса тартысты болды деп айта алмаймыз, екі сетте де қарсыласына еш мүмкіндік бермеген поляк теннисшісі 6:1, 6:2 есебімен жеңіске жетті. Матч 1 сағат 12 минутқа созылды.
Еске салайық, бұған дейінгі екі матчта Юлия Путинцева алдымен ресейлік Екатерина Александрованы, артынша америкалық Мэдисон Кизді жеңіп, турнирдің кіші сенсациясын жасаған еді.
Жарнама
Жарнама