Елена Рыбакина «Ролан Гаррос» турнирінің ширек финалына жетті
03.06.2024, 15:50
Жартылай финалға шығу үшін ол Ясмина Паолини – Элина Аванесян кездесуінің жеңімпазымен өзара мықтыны анықтайды
instagram.com/rolandgarros/
Қазақстанның бірінші ракеткасы Елена Рыбакина «Ролан Гаррос» турнирінің ширек финалына шықты.
Жерлесіміз бұл жолы украиналық Элина Сивтолинамен 1 сағат 10 минутқа созылған кездесуде 2:0 есебімен басым түсті. Ол бірінші сетті 6:4 есебімен аяқтаса, екінші кезеңде 6:3 нәтижесін тіркеді.
Бұл екі теннисші арасындағы 4-ші кездесу. Оның екеуінде Свитолина жеңсе, екі ойын Рыбакинаның жеңісімен аяқталған.
Енді қазақстандық теннисші жартылай финалға шығу үшін Италия өкілі Ясмина Паолини мен ресейлік Элина Аванесян жұбының жеңімпазымен кортқа шығады.