Australian Open турниріне қатысатын қазақстандықтар анықталды
Қазақстанның атынан үш теннисшісі жарысқа барады
Үлкен теннистен Australian Open турнирінде ерлер арасында жұптық сынға қатысатын Қазақстан өкілдерінің есімі белгілі болды. Олардың қатарында Александр Бублик, Александр Шевченко және Александр Недовесов бары айтылды.
Отандық теннисшілер жұбы Александр Бублик пен Александр Шевченко бірге өнер көрсетеді. Ал Александр Недовесов Нидерланд теннисшісі Робин Хаасемен бірге ойнамақ. Аталған ойыншы 2013 жылғы Australian Open турнирінің финалына шыққан болатын.
Қаңтар айындағы бәсекеден биылғы чемпиондар үндістандық Рохан Бопанна мен аустриялық Мэттью Эбден бірге ойнамайтын болды.
Үлкен теннистен Аустралияның ашық біріншілігі 6-26 қаңтар күндері аралығында Мельбурнде өтеді. Бұған дейін аталған турнирде қазақстандық Елена Рыбакина финалға шығып, есе жіберген болатын.