Бейбіт Жұқаев Португалия турнирінде қазақстандық теннисшіге қарсы ойнайды
Отандастарымыз ширек финал жолдамасын сарапқа салады
Қазақстандық теннисші Бейбіт Жұқаев Португалия турнирінде кезекті қарсыласынан басым түсті.
Оэйраш 3 турнирінің іріктеу кезеңінде ол португалиялық Гаштау Элиашты ұтты. Әлемдік рейтингте 244-ші орында тұрған отандасымыз 2:0 есебімен ойынды аяқтады.
Алғашты сетте Жұқаев 6:3 нәтижесін тіркесе, екінші партияда ол 6:2 есебімен алға шықты.
Енді турнирдің 1/8 финалында Жұқаев қазақстандық тағы бір теннисші Дмитрий Попкомен шеберлік байқасады. Попко әлемдік рейтингте 197-ші орынға жайғасқан.
0Кеше Жұқаев неміс теннисшісі Кристоф Негритуды 2:0 (7:6, 6:4) есебімен қапыда қалдырған болатын.
Бұдан сәл бұрын Жұқаев Оэйраш 2 турнирінде чилилік Матиас Сотоны, литвалық Эдас Бутливасты ұтқан еді. Алайда ол америкалық Александр Ковачевичке 2:0 есебімен жол берді.