«Сен тағы не дәлелдемексің?»: Новак Джоковичті теннистен кетуге үгіттеген кім
Джокович Аустралия чемпионатында жарысты өз еркімен тоқтатқан еді
Теннистен Аустралияның ашық біріншілігінде жартылай финалға дейін жеткен Новак Джокович өз әкесінің үлкен спорттан кетуге үгіттеп жүргенін айтты.
Сербиялық теннисшіге әкесі Срджан Джокович спортта барлық асуды бағындырғанын алға тартып, енді «Сен адамдарға тағы не дәлелдемексің?» деп үнемі айтатын көрінеді. Бұл пікірі арқылы әкесі Новактың денсаулығына алаңдайтынын жеткізді.
37 жастағы сербиялық теннисші жақында ғана теннис әлемін өзінің физикалық даярлығымен таңғалдырған еді. Ол ширек финалда испаниядық Карлос Алькарасты 3:1 есебімен ұтқан болатын. Жартылай финалдық кездесуде Александр Зверевке қарсы ойнаудан бас тартқанына қарамастан оның рейтингтегі көрсеткіші едәуір жақсара түсті.
Былтыр Париж Олимпиадасында Джокович өзінің көптен күткен арманына қол жеткізді. Финалда әлемнің үшінші ракеткасы Карлос Алькарасті сенімді түрде жеңген еді.