WTA рейтингі жаңарды: Путинцева – төмендеді, Рыбакина – үздік бестікте

Әйелдер теннисі қауымдастығы (WTA) әлем теннисшілерінің рейтингін жаңартты. Қазақстандық теннисшілер өз орнын білді.

Еліміздің бірінші ракеткасы Елена Рыбакина бесінші сатыда. Ол жуырда өткен Australian Open турнирінде 1/8 финалда америкалық Мэдисон Киздан жеңілген болатын. Соған қарамастан рейтингте жетіншіден бесінші орынға дейін көтерілген еді.

Юлия Путинцева болса жыл басында бірден 20-шы сатыға жоғарылаған. Алайда, жаңартылған рейтингте ол 21-орыннан табылды.

Жібек Құламбаева – 320 және Зарина Дияс – 353-орындарға жайғасқан. Жұптық сында өнер көрсететін Анна Данилина 20-дан 19-шы сатыға көтерілді.

ТОП-3 өзгеріссіз қалды. Арнина Соболенко (Беларусь) көш басында. Ига Швентек (Польша) – екінші, Кори Гауфф (АҚШ) – үшінші.