Елена Рыбакина жылды жеңіспен бастады
03.01.2024, 17:17
Ол жарыстың 1/8 финалына шықты
Фото ашық дереккөзден
Қазақстанның бірінші ракеткасы Елена Рыбакина Аустарлияда өтіп жатқан WTA 500 - Brisbane International турнирін жеңіспен бастады.
Жерлесіміз жарысты екінші айналымнан бастап, жергілікті теннисші Оливиа Гадекимен өзара мықтыны анықтаған болатын.
1 сағат 12 минутқа созылған матч Рыбакинаның жеңісімен аяқталды, есеп – 6:4, 6:1.
Келесі 1/8 финалда қазақстандық теннисші Элизе Мертенс (Бельгия) - Слоан Стивенс (США) жұбының жеңімпазымен ойнайды.