Рыбакина Брисбен турнирінің ширек финалына шықты
04.01.2024, 16:12
Келесі ойында ол Кудерметова – Потапова жұбының жеңімпазымен кездесді
olympic.kz
Әлемнің 4-ракеткасы қазақстандық Елена Рыбакина Аустралияның Брисбен WTA 500 турнирінің ширек финалына шықты.
Ол 1/8 финалда бельгиялық Элиза Мертенспен кездесіп, 2:0 есебімен жеңіске жетті. Кездесудің алғашқы сетінде отандасымыз 6:1 есебімен жеңсе, екінші кезеңде қарсыласын еш мүмкіндік берместен ойсырата ұтты.
Аталған турнирдің 2-ракеткасы болып тіркелген қазақстандық теннисші доданың жартылай финалына шығу үшін Вероника Кудерметова мен Анастасия Потапова кездесуінің жеңімпазымен шеберлік байқасады.
Бұған дейін Елена Рыбакина корт иесі Оливиа Гадекиді еш қиындықсыз жеңген болатын. 1 сағат 12 минутқа созылған матчта ол 2:0 есебімен басымдық танытты.