Елена Рыбакина Брисбен турнирінің финалына шықты
06.01.2024, 09:34
Финалда ол Арина Соболенкомен қайта кездесуі мүмкін
Қазақстан теннис федерациясы
Қазақстанның бірінші ракеткасы Елена Рыбакина Аустарлияда өтіп жатқан Брисбен WTA 500 турнирінің финалына шықты.
Жартылай финалда қазақстандық теннисші әлемдік рейтингте 40-орында тұрған Линда Носковамен (Чехия) кортқа шыққан. Матч 6:3, 6:2 есебімен Рыбакинаның жеңісімен аяқталды. Кездесу 1 сағат 5 минутқа созылды.
Екі теннисші өзара 3 рет кездесіп, бәрінде Елена Рыбакина жеңіске жетіп отыр.
Финалда жерлесіміз Арина Соболенко — Виктория Азаренко жұбының жеңімпазымен кездеседі.