Елена Рыбакина Мадридтегі турнирді жеңіспен бастады

Ұзақ сәтсіздіктерден кейін кортқа қайта оралған қазақстандық теннисші Елена Рыбакина (№11) Мадридтегі WTA 1000 турнирін жеңіспен бастады.

Жарыстың бірінші айналымында Қазақстанның бірінші ракеткасы канадалық Бьянка Адреескумен (№132) кездесіп, 6:3, 6:2 есебімен ойсырата жеңіске жетті.

Кездесу 1 сағат 18 минутқа созылды. Рыбакина осы уақытта үш эйс жасап, екі рет дабл-фолға жол берді. Канадалық теннисші мүлдем эйс жаса алмады.

Рыбакинаның келесі айналымдағы қарсыласы – украиналық Элина Свитолина (№17). Матч 27 сәуірге жоспарланған.

Еске салайық, Рыбакина 2023 жылы WTA рейтингінің 4-орнына дейін көтерілген болатын. Алайда, 2024 жылдан бері ол жеңілістен көз ашпай, қазір 11-сатыға дейін төмендеді.