Елена Рыбакинаны жеңген Анна Блинкова да Australian Open турнирін жеңіліспен аяқтады

Australian Open турнирінде өнер көрсетіп жатқан ресейлік Анна Блинкова (WTA рейтингінде 57-орын) Италия теннисшісінен жеңіліп, жарысты үшінші айналымда аяқтады.

Айта кетейік, Блинкова екінші айналымда Қазақстанның бірінші ракеткасы Елена Рыбакинаны жеңіп, жарыстың сенсациясын жасаған болатын.

Бүгін турнирдің 1/16 финалында ресейлік теннисші италиялық Ясмина Паолинимен (31-орын) кездесіп, 7:6, 6:4 есебімен жеңілді. Екінші сетте Блинкова 3:0 және 4:1 есебімен жеңіп тұрған. Алайда, қатарынан бес гейм жеңіліп, жарысты аяқтауға мәжбүр болды.

Енді Паолини тағы бір ресейлік теннисші Анна Калинскаямен кортқа шығады.