Белгілі спортшы бұл жайында Instagram парақшасында жазба жариялады
Лондон Олимпиадасының чемпионы, Қазақстанның Ұлттық сурдлимпиадалық комитетінің президенті Серік Сәпиев америкалық кәсіпқой бокс жұлдызы Теренс Кроуфордпен кездескенін айтты.
Белгілі спортшы бұл жайында Instagram парақшасында жазба жариялады. Оның айтуынша, ол кәсіпқой бокста жеңіліс көрмеген, абсолютті әлем чемпионы Кроуфордпен әлем чемпионаты барысында жүздескен.
«Жеңілмеген боксшы, кәсіпқой бокстағы абсолютті әлем чемпионы Теренс Кроуфорд. Кәсіпқой бокстың аңызымен әлем чемпионатында кездестік. Ортақ қарсыластарымыз туралы әңгімелестік: мен олармен әуесқой бокста, ал ол кәсіпқой рингте жолыққан», — деп жазды Серік Сәпиев.
Серік Сәпиев – 2012 жылғы Лондон Олимпиадасының алтын жүлдегері әрі Қазақстан боксының тарихындағы ең жарқын тұлғалардың бірі. Ал 2025 жылдың желтоқсан айының соңында кәсіпқой бокста бірнеше салмақта абсолютті әлем чемпионы атанған Теренс Кроуфорд спорттық мансабын аяқтау себебіне қатысты тараған қауесеттерді ресми түрде жоққа шығарды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
