Бекбауов кәсіпқой рингтегі жекпе-жегінде төртінші рет жеңіске жетті
Қазақстандық боксшы Дулат Бекбауов Алматыда өткен кәсіпқой бокс кешінде кезекті жеңісіне жетті.
Жартылай орта салмақта өткен жекпе-жекте 31 жастағы қазақстандық Беларусь өкілі, бұрынғы WBA Inter-Continental чемпионы Евгений Долголевецпен қолғап түйістірді.
Сегіз раундқа жоспарланған кездесуде Бекбауов жекпе-жекті толық бақылауында ұстап, жылдамдығы мен дәл соққыларының арқасында қарсыласынан басым түсті. Нәтижесінде төрешілер жеңісті бірауыздан қазақстандық боксшыға берді.
Осылайша, Дулат Бекбауов кәсіпқой рингтегі жекпе-жегінде төртінші рет жеңіске жетіп, рекордын 4-0 (3 нокаут) көрсеткішіне жеткізді.
Ал 35 жастағы Евгений Долголевец кәсіпқой мансабындағы екінші жеңілісіне ұшырады. Оның еншісінде қазір 8 жеңіс (4 нокаут) және 2 жеңіліс бар.
Айта кетейік, Дулат Бекбауов әуесқой бокста да ірі жетістіктерге қол жеткізген. Ол 2023 жылғы әлем чемпионатының және 2022 жылғы Азия чемпионатының күміс жүлдегері атанған.
Ордабасы
Кайрат
Окжетпес
Астана
Улытау
Елимай
Актобе
Атырау
Жетысу
Женис
Кайсар
Кызылжар
Тобол
Туран
