ҚПЛ 20-тур: Ордабасы көшбасшы болды. Ақтөбе қазақ бапкерлерге неге сенбейді? Қайрат ЛЧ-ге дайын
Украиналық боксшы 42 нокауты бар Уайлдермен кездеседі
Украиналық боксшы Александр Усик келесі жекпе-жегін 2027 жылдың наурыз айында АҚШ-та өткізуі мүмкін. Оның ықтимал қарсыласы – ауыр салмақтағы бұрынғы WBC чемпионы Деонтей Уайлдер.
Бұл туралы The Ring журналисі Майк Коппинджер Усиктің кеңесшісі Сергей Лапинге сілтеме жасап хабарлады.
Усик 2027 жылдың наурызында АҚШ-та Уайлдермен жұдырықтасуды жоспарлап отыр. Бұл оның АҚШ-тағы алғашқы ірі жекпе-жегі болмақ. Қазір келіссөздер жалғасып жатыр, — деді Лапин.
Әзірге кездесудің нақты өтетін қаласы мен аренасы анықталған жоқ. Сондықтан жекпе-жек ресми бекітілгенге дейін оның мерзімі өзгеруі мүмкін.
Усик кәсіпқой рингте 25 кездесу өткізіп, барлығында жеңіске жеткен. Оның 16-сын мерзімінен бұрын аяқтады. Соңғы рет украиналық боксшы 2026 жылғы 24 мамырда Гизада Рико Верхувенді 11-раундта техникалық нокаутпен жеңді.
Ал Уайлдердің еншісінде 43 жеңіс, төрт жеңіліс және бір тең нәтиже бар. Америкалық боксшы 42 қарсыласын нокаутқа түсірген. Ол соңғы жекпе-жегінде Дерек Чисораны төрешілердің бөлек шешімімен жеңді.
Егер тараптар келісімге келсе, Усик пен Уайлдердің кездесуі 2027 жылдың ең ірі бокс оқиғаларының біріне айналуы мүмкін.
Ордабасы
Кайрат
Астана
Окжетпес
Актобе
Елимай
Улытау
Женис
Тобол
Каспий
Кызылжар
Атырау
Иртыш
Кайсар
Жетысу
Алтай
