Аталған жарыс «Кіші әлем чемпионаты» деп аталып кеткен
Ақпанның 2 мен 12 аралығында Болгария астанасына әлем елдерінің кіл мықты боксшылары жиналады. Өйткені мұнда дәстүрлі «Странджа кубогі» сарапқа салынады.
Лицензиялық турнир алдындағы осынау жарысқа Қазақстаннан 10 боксшы аттанғалы отыр. Құраманың бас бапкері олардың тізімін жариялады.
51 кг: Санжар Тәшкенбай
54 кг: Дәулет Молдашев
57 кг: Оразбек Асылқұлов
60 кг: Руслан Күзеубаев
63,5 кг: Ерасыл Таңқай
67 кг: Дулат Бекбауов
71 кг: Талғат Шайкен
75 кг: Нұрқанат Райыс
80 кг: Тұрсынбай Құлахмет
86 кг: Абзал Құттыбеков
Айта кетейік, Олимпиада ойындарына лицензия беретін жарыс ақпан айының соңында Италияда басталады. Оған былтыр Қазақстан спартакиадасында жеңімпаз болған боксшылар аттанады.
