Ол алаңға 77-минутта шықты.
17 қаңтардан 18 қаңтарға қараған түні «Хартс» Шотландия кубогындағы жорығын аяқтады. 1/16 финал кезеңінде команда «Фалкиркке» жол берді.
Бұл кездесу алаң иелері үшін оңай болмады. 59-минутта қақпасына гол жіберіп алған «Хартс» турнирмен ерте қоштасудың алдында тұрған. Алайда бас бапкер 77-минутта алаңға қазақстандық Ислам Чесноковты шығарған соң, команданың ойыны түрленіп шыға келді.
Чесноков ұжымның қапталдағы қарқынын күшейтіп, қарсыластың айып алаңында қысымды арттырды. Сондай шабуылдардың бірінде қарсылас Чесноковқа қарсы ереже бұзып, төреші пенальти белгіледі. 85-минутта Лоренс Шенкленд он бір метрлік айып добын сәтті орындап, таразы басын теңестірді.
Қосымша уақытта есеп өзгеріссіз қалды. Келесі кезеңге өтетін команданың тағдыры пенальти сериясында шешілді. Бұл кезеңде «Фалкирк» ойыншылары 5:4 есебімен басым түсті.
Шотландия кубогы. 1/16 финал
«Хартс» – «Фалкирк» – 1:1
Голдар:
Паркинсон, 59 (0:1).
Шенкленд, 85 – пенальтиден (1:1).
Пенальти сериясы: 4:5.
Айта кетейік, «Хартс» келесі кездесуін 25 қаңтарда өткізеді. Команда бұл жолы «Селтикпен» өзара кім мықтыны анықтайды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
