Бұл – Асхат Тағыбергеннің «Тобылға» үшінші рет келуі
Қазақстан құрамасының капитаны ресми түрде қостанайлық клубтың ойыншысы атанды. Бұл туралы клубтың баспасөз қызметі мәлімдеді.
«Қош келдің, Асхат! Қостанай сенің жарқын ойындарыңды асыға күтеді!» - делінген мәліметте.
Ал «Тобылдың» бас бапкері Нұрбол Жұмасқалиев бұл трансферге қатысты былай деді:
«Асхатты таныстырудың қажеті жоқ. Ол – Қазақстан құрамасының көшбасшысы, нағыз кәсіби тұлға. Оның тәжірибесі мен шеберлігі командамызға үлкен көмек тигізеріне сенімдіміз. Оның үстіне, Асхат бұған дейін де «Тобылда» ойнаған, жеңіс рухын жақсы біледі»
Айта кетейік, бұл – Асхат Тағыбергеннің «Тобылға» үшінші рет келуі. Естеріңізде болса, мұның алдында ол сары-жасылдармен бірге Қазақстан чемпионатын жеңіп, Суперкубоктың екі дүркін иегері атанды.
Асхат Тағыберген бұған дейін Шымкенттің «Ордабасы» клубында өнер көрсетіп, қала әкімі Ғабит Сыздықбековтің сынынан соң ұжымнан кету туралы шешім қабылдаған.
