Кәсіпкер екеуінің еңбегін ерекше атап өтіп, сыйлығын тарту етті.
Алматыдағы тарихи матчтан соң клубтың бас бапкері мен бір күнде жұлдызға айналып шыға келген қақпашыға құрмет көрсетілді.
Іріктеу кезеңінде өз алаңында Шотландияның «Селтигін» жеңіп, Чемпиондар лигасының негізгі кезеңіне жолдама алған «Қайрат» клубының өкілдерімен Astana Motors компаниясының негізін қалаушы Нұрлан Смағұлов кездесіп, бас бапкер Рафаэль Уразбахтин мен қақпашы Темірлан Анарбековті арнайы құттықтады.
Кәсіпкер екеуінің еңбегін ерекше атап өтіп, сыйлығын тарту етті. Уразбахтинге Hyundai Palisade көлігінің кілті табысталса, пенальти сериясында қарсыластың үш соққысын қайтарып, матчтың қаһарманы атанған Анарбековке Apple Macbook берілді.
Айта кетейік, Анарбеков пенальти сериясында алдымен Адам Айданың соққысын қайтарса, кейін Маккованға қақпаны дәл көздеуге мүмкіндік берген жоқ. Сонан соң Маэданың добын қағып алып, «Қайратты» Чемпиондар лигасының топтық кезеңіне алып шықты.
«Қайрат» еурокубоктық додаға осымен екінші рет қатыспақ. Алғаш рет клуб 2021/22 маусымында Еуропа конференциялар лигасында ойнаған болатын. Ал Чемпиондар лигасының негізгі кезеңіне бұған дейін тек «Астана» шыққан (2015/16 маусымында). Енді, міне, «Қайрат» ел тарихында екінші команда ретінде басты сахнаға жолдама алды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
