Жаңа шығарылым! Англия жеңіледі. Саутгейт ақымақ адам!

«Барыс» «Северстальды» жеңіп, жеңілістер сериясын үзді

12.11.2023, 18:34

Астаналық клубқа плэй-офф ауылы әлі алыс

«Барыс» «Северстальды» жеңіп, жеңілістер сериясын үзді
ХК Барыс

Құрлықтық хоккей лигасының кезекті турында астаналық «Барыс» өз алаңында «Северстальды» қабылдап, 4:1 есебімен жеңіске жетті. Жерлестеріміз соңғы үш ойынды қатарынан жеңілген болатын.

Матч ресейлік команданың басымдығымен басталды. Бірінші кезеңде Череповецктен келген хоккейшілер есепті де ашқан. Көзге түскен – Никита Коростелев.

Екінші кезеңде Ғалым Мәмбетәлиев шәкірттері жинақы ойнап, қарсылас қақпасына үш шайба соға алды. Гол авторлары: Әділ Бекетаев, Кирилл Савицкий және Батырхан Мұратов.

Ал, үшінші кезеңде Мұратов тағы бір шайба авторы атанып, матчтың ең үздік ойыншысы мәртебесін иеленді. Қорытынды есеп – 4:1,

Енді «Барыс» 16 қарашада сырт алаңда «Трактормен», 18 қарашада «Металлургпен» және 20 қарашада «Торпедомен» ойнайды.

Материалда:

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам