Отандасымыз қарсыласын 10:0 есебімен ойсырата жеңді
Ризабек Айтмұхан Вьетнамда өтіп жатқан жастар арасындағы Азия чемпионатында еркін күрестен алтын медаль жеңіп алды. Қазақстандық спортшы өзі үшін жаңа саналатын 125 келіге дейінгі салмақта топ жарып, құрлық чемпионы атанды.
Финалда отандасымыз үндістандық Лаки Лакимен белдесіп, қарсыласын 10:0 есебімен ойсырата жеңді. Осылайша Айтмұхан жаңа салмақтағы алғашқы ірі жарысының өзінде чемпиондық атаққа қол жеткізді.
Ризабек турнир барысында барлық қарсыласынан айқын басым түсті. Жартылай финалда қырғызстандық Жарғалан Будашаповты 14:4 есебімен ұтса, ширек финалда өзбекстандық Отабек Назирбоевты 11:1 есебімен сенімді түрде жеңген еді.
Айта кетейік, бұған дейін Ризабек Айтмұхан 97 келіге дейінгі салмақта күресіп, Қазақстан кубогының жеңімпазы атанған болатын. Оның қоржынында 2023 жылғы әлем чемпионатының алтыны және Азия чемпионаттарының үш күміс жүлдесі бар.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
