Қамшыбек Қоңқабаев «Елорда кубогіндегі» бірінші жекпе-жегін нокаутпен жеңді (ВИДЕО)

Бокстан аса ауыр салмақта өнер көрсететін Қамшыбек Қоңқабаев Астанадағы «Елорда кубогін» сәтті бастады. Қазақстан құрамасының мүшесі бірінші жекпе-жегін уақытынан бұрын аяқтады.

Қамшыбектің қарсыласы қырғыз боксшысы Бектұр Алимбек Уулу болған. Екінші раундта ол жекпе-жекті жалғастырудан бас тартты.

Айта кетейік, Қамшыбек – Қазақстан құрамасы сапында ең алғаш болып Олимпиада лицензиясын алған боксшы. Ол – әлемнің екі дүркін, Азияның төрт дүркін күміс жүлдегері.

Сондай-ақ, бүгін жарыс жолына шыққан Махмұд Сабырхан, Асланбек Шымбергенов және Серік Теміржанов та бірінші айналымнан сүрінбей өтті.

Астанадағы «Елорда кубогі» 13-18 мамыр аралығында болады. Оған әлемнің 11 елінен 170 боксшы қатысуда.