Головкин Азияның жаңа бокс конфедерациясын құруды талқылайды
Одан бөлек Таиланд Бокс федерациясы өкілдерімен кездеседі
Еліміздің ҰОК президенті Геннадий Головкин World Boxing Халықаралық бокс федерациясына мүше Азия мемлекеттерінің алғашқы отырысына қатысады. Аталған басқосу Таиландтың Чиангмай қаласында ұйымдастырылмақ.
Головкин бұл жиында Азияның жаңа бокс конфедерациясын құруды талқылайтыны белгілі болды. Осыған дейін World Boxing Азия бойынша боксты дамыту және ілгерілетумен айналысатын ұйымның құрылғанын ресми хабарланған еді.
Сондай-ақ, World Boxing Олимпиадалық комиссиясының төрағасы Геннадий Головкин Таиланд Бокс федерациясы мен Ұлттық Олимпиадалық комитетінің басшысы Пичай Чунхавадзирамен де кездесуді көздеп отыр.
Бұдан бөлек, Қазақстан ҰОК басшысы Чиангмайда 10-11 желтоқсан аралығында өтетін Азия чемпионатының финалдық жекпе-жектеріне куә болмақ.