«Кәсіпқой боксқа баруым мүмкін»: Қамшыбек Қоңқабаев алдағы жоспарымен бөлісті
Қамшыбекке ұлттық құрамада 92 келіде өнер көрсетуге мүмкіндік берілген
Бокстан Токио Олимпиадасының қола жүлдегері Қамшыбек Қоңқабаев спорттағы мансабы туралы айтты. Қазіргі уақытта оған кәсіпқой бокстан бірқатар ұсыныстар түсіп үлгерген.
Спортшы «Таңшолпан» бағдарламасында берген сұхбат барысында кімдер ұсыныс жасағанын атады.
«Спорттық мансабыма қатысты әзірге нақты кесіп ештеңе айта алмаймын. Ұлттық құрамаға көмегім керек болса, дайын екенімді айтқым келеді. Қазіргі уақытта кәсіпқой бокстан да ұсыныс түсті. Ол туралы да кеңінен ойланып жүрмін. 2025 жылдың басына дейін жақындарыммен ақылдасып, нақты шешім қабылдайтын боламын», - деді Қоңқабаев.
Бұған ұлттық құраманың бас бапкері Қайрат Сәтжанов аса ауыр салмақта енді Айбек Оралбайдың өнер көрсететінін айтқан еді. Ал Қамшыбекке 92 келіде өнер көрсетуге мүмкіндік беретінін мәлімдеген болатын.
Ал +92 келіге ауысқан Айбек Оралбай жақында ғана Азия чемпионы атанды.
Естеріңізде болса, Қамшыбек Қоңқабаев Парижде өткен Олимпиада ойындарында бірінші кездесуде испан боксшысынан төрешілер шешімі бойынша жеңілді.