Головкиннің командасындағы қазақ боксшы Кличконың бапкерінен «қашып кетті»

17 қаңтарда АҚШ-та қазақстандық боксшы Әли Ахмедов (22-1, 16 KO) кезекті жекпе-жегін америкалық Малкольм Джонсонмен кездеседі.

Boxingscene агенттігінің жазуынша, Ахмедов жақында бапкер Рики Фьюнеспен жұмыс бастаған. Ол бұрын Джонатон Бэнкспен бірге дайындалып жүрген болатын. Ахмедов Голвкиннің командасында болып, GGG өткізген бірнеше бокс кешінде жұдырықтасты. Джонатан Бэнкс 2012 жылдан украиналық Владимир Кличконың да бапкері болған.

Айта кетейік, Әли 2020 жылы Карлос Гонгореден 12-раундта нокаутқа түскеннен кейін көтеріле алмай жүр. Ол кейінгі алты жекпе-жегінде жеңіске жеткенімен, чемпиондыққа таласуға мүмкіндік алар емес.