Жалолов АҚШ-та жаттығуға кірісті

Өзбекстандық боксшы Баходир Жалолов АҚШ-қа барып, жаттығу жұмыстарына кірісті. Бұл туралы Өзбекстанның кәсіпқой бокс федерациясы мәлімдеді.

Белгілі болғандай, Олимпиаданың екі дүркін чемпионы Баходир Жалолов 6 ақпан күні Канаданың Монреаль қаласында жекпе-жек өткізеді. Сол күні ол франциялық Дэвид Спилмонтпен жұдырықтасады. Жалолов АҚШ-қа айқастан екі апта бұрын барған.

Баходир Жалолов кәсіпқой карьерасында 14 айқас өткізіп, соның барлығында жеңіске жеткен. Ал оның  қарсыласы Дэвид Спилмонт 25 айқас өткізсе, соның 16-сында жеңіп, 8 рет жеңілген және бір рет тең түскен.