Ангелина Лукас Мәскеуде жекпе-жек өткізіп, ниегриялық қызды техникалық нокаутпен жеңді (ВИДЕО)
Бірнеше күннен кейін Лукас кезекті жекпе-жегін өткізуі тиіс
Аса жеңіл салмақта өнер көрсетіп жүрген қазақстандық боксшы қыз Ангелина Лукас (11-1, 5 КО) Мәскеудегі «IBA Чемпиондар түнінде» нигериялық Айисат Орийомиді (9-0, 6 КО) жұдырықтасып, техниклық нокаутпен жеңіске жетті.
Жекпе-жек сегіз раундқа (әрқайсысы 2 минуттан) жоспарланған еді. Алайда, үшінші раунд аяқталғаннан кейін Африка құрлығынан келген боксшы қыз әрі қарай жұдырықтаспайтынын айтты.
Осылайша Ангелина Лукас кәсіпқой бокстағы 12-ші жеңісіне қол жеткізсе, Айисат Орийоми алғаш рет жеңілді.
Қазақстандық боксшы қыз бірнеше бірнеше күннен кейін тағы рингке шығуды жоспарлап отыр. Ақпан айының басында ол Түркияда өтетін кәсіпқой бокс кешінде өнер көрсетеді. Дегенмен, қарсыласының кім болатыны әзірге белгісіз.