Алуа Балқыбекова әлем чемпионатының ширек финалына шықты
11.03.2025, 19:26
Ширек финалда Алуа түрік қызы Айсен Таскынмен қолғап түйістіреді
ҚБФ
Алуа Балқыбекова Сербияда өтіп жатқан бокстан қыздар арасындағы әлем чемпионатының ширек финалына шықты.
50 келіге дейінгі салмақта жұдырықтасатын отандасымыз 1/8 финалда марокколық Ясмин Мутакимен кездесіп, Алуа төрешілер шешімімен айқын жеңіске жетті.
Бұл - Алуаның әлем чемпионатындағы екінші жекпе-жегі. Бірінші кездесуінде кениялық боксшыны жеңіп шыққан еді.
Ширек финалда Алуа түрік қызы Айсен Таскынмен қолғап түйістіреді.
Айта кетейік, әйелдер арасындағы әлем чемпионаты Сербияның Ниш қаласында өтіп жатыр.