23 жастағы Махмұд Сабырханның кәсіпқой бокстағы алғашқы қарсыласы анықталды

Танымал қазақстандық боксшы Махмұд Сабырхан Жәнібек Әлімханұлының титулдық жекпе-жегінің андеркардында өнер көрсетеді.

Бұл кештің басты оқиғасы – орта салмақтағы WBO және IBF тұжырымдары бойынша әлем чемпионы Жәнібек Әлімханұлы (16-0, 11 КО) мен француз Анауэль Нгассаминге (14-0, 9 КО) арасындағы титулдық жекпе-жек болмақ.

Ал Махмұд Сабырханның қарсыласы – филиппиндік Джей Фрэнсис Бурай (13-3-1, 3 КО). Бұл жекпе-жек алты раундқа есептелген. 28 жастағы Бурай кәсіпқой бокста он жылдан бері өнер көрсетіп келеді.

Айта кетейік, Софияда (Болгария) өткен Странджа кубогінде қазақстандық Махмұд Сабырхан денсаулығына байланысты рингке шықпаған болатын.