Допингпен ұсталған қазақ боксшысы әлем чемпионы атанды

Қазақстандық боксшы Саматәлі Төлтаев (5-0, 2 KO) Алматыда өткен кәсіпқой бокс кешінің басты жекпе-жегінде өнер көрсетті. Ол өзбекстандық Абдулазизбек Нажмиддиновпен (11-1, 9 KO) титулдық жекпе-жек өткізді.

Кездесу он екі раундқа жоспарланған еді, ал тартыстың басты жүлдесі - жеңіл салмақтағы UBO нұсқасы бойынша әлем чемпионы атағы. Жекпе-жек нәтижесінде Төлтаев бірінші раундта қарсыласын нокаутқа түсіріп, жеңіске жетті.

Осылайша, Саматәлі Төлтаев кәсіпқой рингтегі алтыншы жеңісіне қол жеткізіп, UBO чемпионы атанды. Ал Абдулазизбек Нажмиддинов кәсіби мансабында екінші рет жеңіліске ұшырады.

Айта кетейік, әуесқойлар арасында өнер көрсеткен Саматәлі Төлтаев 2023 жылы Төлтаевтың допинг-сынамасынан тыйым салынған анаболикалық стероид — оралтуринабол табылған болатын. Соның салдарынан ол 2026 жылдың 31 наурызына дейін спорттан шеттетіліп, Қазақстан құрамасынан шығарылған еді.