«Жәнібек – үздік»: жеңілмеген боксшы Әлімханұлын жекпе-жекке шақырғаннан кейін мәлімдеме жасады
72 келідегі басты боксшы – Жәнібек Әлімханұлын жеңуі керек екенін айтады
Енді «Қазақ стиліне» Карлос Адаместің орнына басқа да ықтимал қарсыласы пайда болды. Осыған дейін 20 жекпе-жек өткізіп, барлығын жеңген Аарон Маккенна Жәнібек Әлімханұлымен кездесіп, екеуінің қайсысы мықты екенін анықтағысы келеді.
Бұған дейін де ирландиялық WBO және IBF чемпионына жекпе-жекке шақыру тастаған еді, алайда қазақстандық боксшы нақты жауап берген жоқ.
Сонымен қатар, Аарон Маккенна бұл шешімін орта салмақта үздік болуды мақсат етумен түсіндіреді. Ол үшін 72 келідегі басты боксшы – Жәнібек Әлімханұлын жеңуі керек екенін айтады:
«Мен өзімді әлемдегі ең үздік орта салмақтағы боксшымын деп сенемін. Бұны тағы дәлелдеуді қалаймын. Үздікпен жұдырықтасқым келеді және дәл қазір біздің дивизионда Жәнібек ең мықты екенін білемін», - дейді боксшы.
Айта кетейік, Әлімханұлы WBC белбеуін иеленіп отырған доминикандық Карлос Адаместі жекпе-жекке жан-тәнімен шақырып жүр. Алайда Карлос өзінің айтуынша, екі дүркін әлем чемпионы ресейлік боксшымен кездесетінін мәлімдеп, тек Жәнібекті ғана емес, ресми үміткер Мейірім Нұрсұлтановты да елемей отыр.