«Манчестер Юнайтед» 44 жылда алғаш рет екі кубоктан қатар шығып қалды
Клуб тамыз айының соңында Лига кубогынан шығып қалған
«Манчестер Юнайтед» 44 жыл ішінде алғаш рет Англия Кубогы мен Лига кубогындағы жарыстарын алғашқы матчтарынан-ақ аяқтады.
Клуб тамыз айының соңында Лига кубогынан шығып қалса, жексенбі күні Англия Кубогында «Брайтонға» жол берді. Клуб екі турнирде де осыншалықты сәтсіз бастаманы соңғы рет 1981/82 маусымында бастан өткерген.
«Манчестер Юнайтед» Англия Кубогындағы алғашқы ойынында «Брайтоннан» 1:2 есебімен жеңіліп, турнирмен қоштасты. Тамыздың соңында «Манчестер Юнайтед» Лига кубогын да сәтсіз бастаған еді. Ағылшын клубы төртінші дивизиондағы «Гримсби Таун» клубына пенальти сериясында жол берді.
Opta дерегінше, манчестерлік клуб 1981/82 жылғы маусымда Англия Кубогында «Уотфордтан» ұтылса, Лига кубогында «Тоттенхэмге» қарсы екі ойында да жеңілген.
Өткен аптада «Манчестер Юнайтед» бас бапкері Рубен Аморимді қызметінен босатып, команданы жаттықтыруды уақытша Даррен Флетчерге тапсырды.