«Қайраттың» «Ростов» қақпасына соққан фантастикалық голын Ресей аудиториясы талқылап жатыр
12.02.2024, 12:57
Алматылық клуб қысқы оқу-жаттығу жиынын Араб түбегінде өткізіп жатыр
KazFootball.kz
Ресей Премьер-лигасының Қысқы кубогі Абу-Дабиде өтіп жатыр. Аталған турнирге қатысып жатқан Алматының «Қайраты» кеше «Ростовпен» кездесіп, 2:1 есебімен жеңіске жетті.
Алматылық клуб сапынан Пауло 30-минутта есепті ашқан. Ал, 65-минутта Георгий Зарияның соққан фантастикалық голы қарсылас команданың жанкүйерлерін де таңдай қақтырды. Зарияның алыстан шірене тепкен добы қақпа маңдайшасына тиіп голға айналды.
«Ростов» болса 90+5-минутта бір гол соғып, есепті қысқарта алды.