Зайнутдинов пен Айымбетов ұлттық құрамаға келіп қосылды (ФОТО)

Дубайда оқу-жаттығу жиынын өткізіп жатқан футболдан Қазақстан құрамасына Түркия чемпионатында ойнап жүрген Бақтиер Зайнутдинов пен Абат Айымбетов келіп қосылды. Бұл туралы ҚФФ-ның баспасөз қызметі хабарлады.

Зайнутдинов – Стамбұлдың «Бешикташында», Айымбетов «Адана Демирспор» клубында ойнап жүргені белгілі. Енді құрама сапына Санкт-Петербургтен Нұралы Әліп келуі керек.

Еске салайық, 21 наурызда Ұлттар лигасының жартылай финалында Қазақстан құрамасы Афиныда Грекиямен кездесу өткізеді. Жеңгені финалға шығып, бірінші орынға және Еуропа чемпионатына берілетін жолдамаға таласады.