"Макет кезінде бәрі жақсы, жаман стадион қайдан шығады". Арнайы қонақ - Данияр Жұмаділов
"Спарта" КВН командасының капитаны Данияр Жұмаділов БІРІНШІ БОЛ қонағы болды.
Подкаста әзіл де болды, мәселе де көтерілді. Данияр – жәй ғана әзілкеш емес. Ол – актер, жүргізуші және бала күнінде "Жеңіс" футбол клубының футбол мектебінде доп тепкен. Егер жиі жарақат алмағанда, бала күніндегі командаласы Руслан Кенетаев сияқты кәсіби футболшы болуы да мүмкін еді.
Данияр Жұмаділов әлі күнге дейін "Жеңіс" клубы мен Қазақстан ұлттық құрамасының ойындарын жібермей көреді. Үнемі қолдайды. Ұлын да футбол мектебіне берген. Өзі "Барселона" командасына, ал ұлы "Реал" клубына жақ екен.
Танымал актер Қазақстандағы басты проблема – жемқорлық деп есептейді. Егер жемқорлық болмаса, Қазақстанда футбол да, басқа спорт түрлері де дамып, талай таланттардың шығуына кедергі болмайтынына сенімді.
Ендеше, подкасты бірге көріп шығалық. Даниярдың уақыты тығыз, жұмысы басынан асады. Сондықтан мұндай қонақты подкастан күнде көре бермейсіз.