Қазақстан футбол құрамасының ФИФА рейтингіндегі орны белгілі болды

ФИФА ұлттық құрамалардың рейтингін жаңартты. Жаңа маусымда Ұлттар лигасы аясында екі ойын ойнап үлгерген Қазақстан бір сатыға төмендеп отыр.

Былтыр 100-ші орынға дейін көтерілген біздің ұлттық құрама төмен құлдырай келе 109-шы орынға табан тіреді. Бір ай бұрын 108-ші орында болатынбыз.

Айта кетейік, Ұлттар лигасының жаңа маусымында Станислав Черчесов шәкірттері екі матч өткізіп үлгерді. Алдымен өз алаңында Норвегияны қабылдап, 0:0 есебімен тең ойнаса, 9 қыркүйекте Словениядан 0:3 есебімен ойсырай жеңілді.

ФИФА рейтингінің көш басында бұрынғыша Аргентина құрамасы келеді. Биыл Месси ойнайтын команда Америка кубогін жеңіп алған. Екінші орында Франция тұрса, үшіншіге Еуропа чемпионы – Испания құрамасы жайғасқан.