Қуат Хамитов Нұрберген Шәріппен күресіп, әзер жеңді (ВИДЕО)
Екеуі бұған дейін рингте кездесіп, Қуат жеңіске жеткен болатын
Елімізде Nomad Wrestling деген атаумен жаңа турнир бастау алды. Жекпе-жек спорт түрлерінің өкілдері қатысатын тележобаның бас жүлдесіне қомақты ақшалай сыйлық тағайындаған және оған елге танымал спортшылар қатысуда.
Аталған турнир аясында белгілі файтер Қуат Хамитов өзінің досы әрі аралас жекпе-жектегі бәсекелесі Нұрберген Шәріппен күресті. Он минут бойы бозкілемде белдескен спортшылар негізгі уақытта мықтыны анықтай алмай, экстра-таймда Қуаттың мерейі үстем болды.
Айта кету керек, жарыстың жүлде қоры – 10 миллион теңге. Қатысушылар бір-бірімен күресіп, ақтық сынға дейін жетуі тиіс.
Қуат Хамитов пен Нұрберген Шәріп бұған дейін кәсіпқой бокс ережесімен жекпе-жек өткізген болатын. Ол кезде де «Найманның» жолы болып, төрешілер шешімімен жеңіске жеткен еді.