Өзбек футболшысы «Манчестер Сити» сапында ойнауы мүмкін

Футболдан Өзбекстан құрамасының және «Ланс» (Франция) клубының қорғаушысы Абдукодир Хусанов «Манчестер Сити» сапына ауысуы мүмкін. Бұл туралы белгілі инсайдер Фабрицио Романо өзінің X-парақшасында жазды.

Ағылшын клубы 20 жастағы өзбекті осы қаңтар айында сатып алуды көздеп отырған көрінеді.

«Еуропаның бірнеше ТОП командасы 20 жастағы орталық қорғаушыға қызығушылық танытып отыр. Өйткені, ол қазір осы позициядағы ең үздіктердің бірі. «Манчестер Сити» де қорғаушы үшін таласып көрмек», - деп жазды Романо.

Хусанов Өзбекстан құрамасында 18 матч өткізіп үлгерді. Transfermarkt оның нарықтағы құнын 12 млн еуроға бағалап отыр.