«Қайсар» клубына жаңа басшы тағайындалды

Енді Қызылорданың «Қайсар» футбол клубының президенті лауазымын Талғат Әбдіғаппарұлы атқарады.

Бұл туралы облыстық дене шынықтыру және спорт басқармасы мәлімдеді. Ал клуб президентін ұжымға облыстық басқарма басшысы Бахтияр Артаев таныстырды.

Талғат Әбдіғаппарұлы 1984 жылы 29 тамызда Қызылорда қаласында дүниеге келген.

2012-2016 жылыдары «Ақмешіт» гуманитарлық-техникалық институтында факультет: Инженер және технология,   «Мұнай-газ ісі»   мамандығы бойынша білім алған.

2016-2018 жылдары «Академик Ә. Қуатбеков атындағы халықтар достығы университетін тәмамдап, «Дене шынықтыру   және спорт»   бакалавры дәрежесін алды.

Бұдан бөлек самбодан жаттықтырушы болып жұмыс істеп, сонымен қатар облыстық спорт басқармасында еңбек еткен. Ал 2023 жылдан бері «Мұз айдынының» директоры қызметін атқарып келген.

Ал «Қайсар» клубы Түркияның Анталья қаласында оқу-жаттығу жиындарын өткізіп жатыр.