«Ордабасы» футбол клубы неге шығынға бата береді?
Асхат Сейсембек: Бөлінген қаржыны ақтау мүмкін емес
«Ордабасы» футбол клубының президенті Асхат Сейсембек команданың бөлінген ақшаны ақтап, өзін-өзі қаржыландыра алмауына қатысты пікір білдірді.
«Кез келген спорттық жобаның мақсаты – бөлінген қаржыны ақтау, алайда қазіргі уақытта біздің жағдайымызда бұл мүмкін емес екенін ашық айта аламын. Футбол клубының өзін-өзі қаржыландыруы үшін бірқатар кешенді мәселелер бар. Біз балалар академиясын қамтамасыз етеміз, онда 500-ге жуық бала жаттығады, үш қыздар тобы бар, сондай-ақ жасөспірімдер лигасының командасы жергілікті спортшылардан құралған. Оларға 22 бапкер қызмет көрсетеді», – деді Сейсембек «Отырар ТВ» арнасында.
Айта кетейік, бұған дейін 2025 жылға арналған шымкенттік клубтың бюджеті 3,2 миллиард теңгені құрағаны белгілі болды.