«Арсеналдан» оңбай жеңілген «Реал» футболшылары бас бапкерсіз қалуы мүмкін

Мадридтің «Реал» футбол клубының басшылары алдағы бірнеше күнде бас бапкер Карло Анчелоттиді отставкаға жіберуі мүмкін. Бұл туралы Sky Sports News агенттігі жазды.

«Реал» Чемпиондар лигасының ширек финалында «Арсеналдан» оңбай жеңілгеннен кейін (екі ойынның нәтижесі – 5:1) 65 жастағы маман қызметтен кету туралы ойлана бастаған. Ол 26 сәуірде Испания кубогінің финалындағы матчтан кейін бұл шешімін ресми жариялайды деп күтілуде.

Айта кетейік, Кубоктің финалы Севилья қаласында «Реал» мен «Барселона» арасында өтеді.

Бұған дейін Анчелоттиді Бразилия құрамасына бас бапкер болуға шақырған. Бұл ұсыныс әлі де күшінде. Егер италиялық маман Мадридтен кетуге бел буса жұмыссыз қалмасы анық.

Ал, «Реалға» кім бас бапкер болатыны туралы әзірге тек болжамдар ғана айтылуда.