Олимпиадаға іріктеу: Қазақстан хоккейшілері екінші матчта жеңіске жетті
Соңғы шешуші матч Словения құрамасына қарсы өтеді
Шайбалы хоккейден Словакияның Братислава қаласында өтіп жатқан 2026 жылғы Олимпиадаға іріктеу кезеңінде Қазақстан құрамасы екінші жеңісіне қол жеткізді.
D тобындағы іріктеу турнирінде Қазақстан құрамасы екінші матчты Аустриямен өткізді. Өте тартысты ойынның тағдыры соңғы минуттарда шешілді.
Алдымен Қазақстан құрамасының ойыншысы Дмитрий Бреус ойынның 2-минутында есеп ашып, команданы алға шығарған. Ал 43-минутта аустриялық хоккейші Рафаэль Хербургер есепті теңестірді. Араға он минут салып Тамирлан Гайтамиров Қазақстан құрамасын алға шығарды. Есеп - 2:1.
Қазақстан құрамасы матч соңына дейін осы басымдықты ұстап, топтағы екінші матчта жеңіске жетті.
Қысқы Олимпиада жолдамасын топта жеңімпаз атанған команда ғана иеленеді. Қазақстандықтар шешуші матчта Словакиямен өзара кім мықтыны анықтайды.