Асу Алмабаев қазан айында UFC-дегі келесі жекпе-жегін өткізеді
Ол жеңіске жетсе, рейтингтке біршама жоғарылайды
Қазақстандық файтер Асу Алмабаев UFC-де рейтингтік жекпе-жек өткізеді. Жеңіл салмақта 15-орында тұрған отандасымыз үздік ондықты түйіндеген бразиялық Матеус Николаумен (19-4-1) шеберлік байқасады.
Бұл турнир UFC Fight Night лигасы аясында өтеді. Жекпе-жек 19 қазанда Лас-Вегаста UFC Apex, яғни көрерменсіз түсіру алаңында ұйымдастырылады.
31 жастағы оңтүстікамерикалық Николау UFC-ге алғаш рет 2015 жылы The Ultimate Fighter реалити-шоуы арқылы келді. Ол 9 жыл ішінде небәрі 10 жекпе-жек өткізіп, жетеуінде жеңді және 3 рет жеңілді. Бразилия файтері соңғы екі кездесуінде Брендон Ровал мен Алекс Перестен нокаут алған.
Әзірге Алмабаев пен Николаудың жекпе-жегі туралы әлеуметтік желідегі Sportkor паблигі мәлімдеп отыр. Бұл Naiza промоушеніне тиесілі ақпарат көзі.