Асу Алмабаев UFC басшысынан чемпиондық белбеуге жекпе-жек сұрады

UFC-де қатарынан төртінші жеңісіне жеткен қазақстандық Асу Алмабаев (21-2) чемпиондық титулға төбелескісі келетінін жасырмай, Дана Уайттан бір мүмкіндік беруді сұрады.

Лас-Вегаста өткен UFC кешінде отандасымыз бразилиялық ТОП-файтер Матеус Николауды (19-5-1) төрешілер шешімімен жеңген болатын.

«Дана, маған белбеу үшін төбелесетін бір ғана мүмкіндік берші, бір ғана мүмкіндік жетеді», - деді Асу жеңісінен кейін.

UFC басшысы Дана Уайт Асудың сұрауына әлі үн қатқан жоқ. Бұған дейін рейтингте 14-ші орында тұрған қазақ файтері болса бүгінгі жеңісінен кейін ТОП-10 қатарына кіреді. Яғни, чемпиондық титулға таласуға да мүмкіндігі артады.