UFC Шавкат Рахмоновтың жекпе-жегінің постерін жариялады
Қазақ файтері жеңіске жетсе, келер жылы чемпиондық титул үшін төбелеседі
7 желтоқсанда Лас-Вегаста өтетін UFC 310 турнирінің ресми постері жарияланды. Аталған жекпе-жек кешінде қазақ файтері Шавкат Рахмонов ирландиялық Иэн Гэрримен төбелеседі. Ал, турнирдің басты оқиғасы бразилиялық Алешандре Пантожа мен жапон Кай Асакура арасындағы кездесу болмақ.
Постерде осы төрт файтердің суреті бейнеленген.
Айта кету керек, Шавкат Рахмонов аталған турнирдің негізгі жекпе-жегінде Белал Мухаммадпен чемпиондық титул үшін төбелесуі тиіс болған. Алайда, америкалық файтер жарақат алғанын айтып, жекпе-жек кейінге қалды.
Мұнан кейін Рахмонов нигериялық Камару Усманмен әлемнің уақытша чемпионы атағын сарапқа салады деп болжанған. Алайда, соңғысы уақыттың тығыз екенін айтып, Nomad-пен жекпе-жекке шығудан бас тартты.
Енді Рахмонов – Гэрри жекпе-жегінде ешқандай титул сарапқа салынбайды.