Мен әйелімді жақсы көрген жоқпын, есеппен үйлендім - Арман Әшімов
Спортшы кейбір ер адамдардың әрекетін сынаған
ММА жауынгері Арман Әшімов отбасын есеппен құрғанын айтты.
Спортшының сөзінше, ол келіншегін жақсы көріп үйленбеген, оның жақсы әйел болатынына ғана қараған.
«Мен әйелімді жақсы көріп үйленген жоқпын. Оның жақсы әйел болатынын білдім. Бірақ үйленген соң жақсы көріп кеттім. Есеппен үйленген адаммын. Оның жағдайына қараған жоқпын, оның асып-тасып жатқан ештеңесі жоқ. Тек жақсы әйел болатынына қарадым.
Әйтпесе біздікілер тізерлеп отырып ұсыныс жасап, үйленіп алады. Сонан соң «жүгіріп қызмет ет» дейді. Ол әке-шешесінің көзінше қимылдағанымен, олар кеткен соң: «әй, сорлы, кезінде тізерлеп отырып, гүл берген кім? Көп сөйлеме» дейді. Анау жігіт аузын аша алмай қалады. Кейіннен қайын жұртына көшіп кетеді», - деді Әшімов.