Асу Алмабаевтың келесі қарсыласы кім?
Бұған дейін Алмабаев пен Эрцег арасындағы жекпе-жек жоспарланған еді
ММА саласындағы танымал инсайдер, Eurosport Nederland журналисі әрі Tapology.com сайтының редакторы Марсель Дорфф Sports.kz басылымына қазақстандық файтер Асу Алмабаевтың (22-3) ықтимал қарсыласы жөнінде пікір білдірді.
«Қазір нақты айту қиын. Дегенмен, Алмабаевқа австралиялық Стив Эрцегпен жекпе-жекті қайта ұйымдастыруға болады деп ойлаймын», — деді сарапшы.
Айта кетейік, Асу Алмабаев соңғы кездесуін шілде айының соңында Абу-Дабиде өткен UFC on ABC 9 турнирінде өткізіп, перулық Хосе Очоаны төрешілердің бірауызды шешімімен жеңген болатын.
Еске сала кетсек, бұған дейін Алмабаев пен Эрцег арасындағы жекпе-жек жоспарланған еді. Алайда австралиялық файтер қазақстандықпен кездесу орнына мексикалық Брэндан Мореномен күш сынасуды таңдаған.