Асыл Айтақын Азия чемпионатының финалында есе жіберді
12.04.2024, 17:40
Бұл Қазақстан қоржынындағы үшінші медаль
instagram.com/asylaitakyn/
Бішкекте өтіп жатқан Азия чемпионатының финалында Асыл Айтақын күміс жүлдегер атанды деп хабарлайды 1bol.kz тілшісі.
Еркін күрестен 61 келіде күрескен отандасымыз шешуші сында қырғыз балуаны Тайырбек Жұмашбекұлына 3:2 есесімен есе жіберді.
Асыл кездесудің екінші кезеңінде есепті теңестіріп, алда келе жатқан еді. Алайда, кездесу аяқталуға 15 секунд қалғанда қарсыласы 2 ұпай иеленіп кетті.
Бұл Қазақстан қоржынына түскен үшінші жүлде. Бұған дейін Мейрамбек Қартбай (57 келі) – қола, Ризабек Айтмұхан (97 келі) күміс медальға ие болды.
Сондай-ақ, 74 келіде Сырбаз Талғат қола жүлде үшін күрессе, 86 келіде Азамат Дәулетбеков финалда алтын үшін белдеседі.